ഹെൽത്തി കേരള ക്യാമ്പയിൻ: പയ്യോളിയിലെ കടകളിൽ ആരോഗ്യവകുപ്പിന്റെ മിന്നൽ പരിശോധന, ഹോട്ടലുകൾക്ക് നോട്ടീസ്

പയ്യോളി: (koyilandy.truevisionnews.com) പകർച്ചവ്യാധി പ്രതിരോധ പ്രവർത്തനങ്ങളുടെ ഭാഗമായി ഹെൽത്തി കേരള ക്യാമ്പയിൻ മുൻനിർത്തി പയ്യോളി മേഖലയിലെ വ്യാപാര സ്ഥാപനങ്ങളിൽ ആരോഗ്യവകുപ്പ് വ്യാപക പരിശോധന നടത്തി. മേലടി ബ്ലോക്ക് പി.എച്ച്.സിയും തുറയൂർ ഗ്രാമപഞ്ചായത്ത് കുടുംബാരോഗ്യ കേന്ദ്രവും സംയുക്തമായാണ് പരിശോധനയ്ക്ക് നേതൃത്വം നൽകിയത്.

വൃത്തിഹീനമായ അന്തരീക്ഷത്തിൽ ഭക്ഷണം പാചകം ചെയ്തതായി കണ്ടെത്തിയ ഹോട്ടലുകൾക്ക് ഉദ്യോഗസ്ഥർ കടുത്ത മുന്നറിയിപ്പും നോട്ടീസും നൽകി. കൂടാതെ, നിയമം ലംഘിച്ച് പുകയില ഉൽപ്പന്നങ്ങൾ വിറ്റ കടകളിൽ നിന്ന് പിഴ ഈടാക്കുകയും ചെയ്തു.

വിവിധയിടങ്ങളിൽ മഞ്ഞപ്പിത്തം ഉൾപ്പെടെയുള്ള പകർച്ചവ്യാധികൾ റിപ്പോർട്ട് ചെയ്യപ്പെടുന്ന സാഹചര്യത്തിൽ, എല്ലാ ഭക്ഷണ വിതരണക്കാരും കടുത്ത ജാഗ്രത പുലർത്തണമെന്ന് അധികൃതർ ആവശ്യപ്പെട്ടു.

ആരോഗ്യവകുപ്പിന്റെ നിർദ്ദേശങ്ങൾ കർശനമായി പാലിക്കാത്തവർക്കെതിരെ കേരള പൊതുജനാരോഗ്യ നിയമപ്രകാരം ശക്തമായ നിയമനടപടികൾ സ്വീകരിക്കുമെന്ന് മെഡിക്കൽ ഓഫീസർ ഡോ. സജീവ് പി.ബി വ്യക്തമാാക്കി.

പരിശോധനയിൽ ഹെൽത്ത് ഇൻസ്പെക്ടർ കെ. ജയരാജ്, ജൂനിയർ ഹെൽത്ത് ഇൻസ്പെക്ടർമാരായ പി.കെ. ദിനേശൻ, കെ. ഫാത്തിമ, പി.പി. ദിവ്യ എന്നിവർ പങ്കെടുത്തു. വരും ദിവസങ്ങളിലും പരിശോധന കർശനമായി തുടരുമെന്ന് ആരോഗ്യവകുപ്പ് അറിയിച്ചു.

Also read: കൊല്ലം ചിറ സൗന്ദര്യവൽക്കരണവും തീർത്ഥാടന ടൂറിസവും; പിഷാരികാവ് ക്ഷേത്ര വികസനത്തിന് ഉറപ്പുനൽകി കെ. പ്രവീൺ കുമാർ എംഎൽഎ

Content Highlight: Healthy Kerala Campaign Payyoli Health Department Inspection

#Latest News #Healthy Kerala #Payyoli #Health Department #Food Safety