#Latest News #Haritha Bhavanam #Payyoli Municipality #Environment
പയ്യോളി: (koyilandy.truevisionnews.com) പയ്യോളി നഗരസഭയും പരിസ്ഥിതി പയ്യോളിയും സംയുക്തമായി നടപ്പിലാക്കുന്ന 'ഹരിത ഭവനം' പദ്ധതിയുടെ ഭാഗമായി റിസോഴ്സ് പേഴ്സൺമാർക്കായുള്ള ശില്പശാല സംഘടിപ്പിച്ചു. നഗരസഭ ചെയർപേഴ്സൺ എൽ. സാഹിറ ശില്പശാലയുടെ ഉദ്ഘാടനം നിർവ്വഹിച്ചു. വൈസ് ചെയർമാൻ മുജേഷ് ശാസ്ത്രി അധ്യക്ഷത വഹിച്ച ചടങ്ങിൽ പരിസ്ഥിതി പയ്യോളി പ്രസിഡന്റ് വടയക്കണ്ടി നാരായണൻ മുഖ്യവിഷയത്തിൽ ക്ലാസെടുത്തു.
നഗരസഭയിലെ മുഴുവൻ ഡിവിഷനുകളിൽ നിന്നും തിരഞ്ഞെടുക്കപ്പെട്ട രണ്ട് പേർ വീതമാണ് ഈ പരിശീലന ശില്പശാലയിൽ പങ്കെടുത്തത്. ഇവിടെ നിന്നും പരിശീലനം സിദ്ധിച്ച റിസോഴ്സ് പേഴ്സൺമാരായിരിക്കും തുടർന്ന് ഡിവിഷൻ-ക്ലസ്റ്റർ തലങ്ങളിൽ നടക്കുന്ന കൺവെൻഷനുകളിലെ ബോധവൽക്കരണ ക്ലാസുകൾക്ക് നേതൃത്വം നൽകുക.
സ്ഥിരം സമിതി അധ്യക്ഷമാരായ കെ.ടി. സിന്ധു, ഹൈറുനീസ, പരിസ്ഥിതി പയ്യോളി സെക്രട്ടറി വിജയൻ പെരിങ്ങാട് എന്നിവരെ കൂടാതെ കെ.ടി. രാജീവൻ, പി.പി. രമ്യ, ഇബ്രാഹിം തിക്കോടി, എ.കെ. ദേവദാസൻ, കെ.ടി. ജയകൃഷ്ണൻ, രാജൻ കൊളാവിപ്പാലം, റസിയ ഫൈസൽ, മുസദിക്ക് പയ്യോളി, ഇരിങ്ങൽ അനിൽകുമാർ, വിമൽ പ്രസാദ്, എം. അശോകൻ, ഇ.പി. സുഭാഷ്, കെ. അശോകൻ തുടങ്ങിയ പ്രമുഖർ ചടങ്ങിൽ സംസാരിച്ചു.
പരിപാടിയുടെ സമാപനത്തിൽ പങ്കെടുത്തവരെല്ലാം 'ഹരിത ഭവനം' പദ്ധതിയുടെ വിജയത്തിനായി പ്രതിജ്ഞ ചൊല്ലി അധികാരമേറ്റു.
Content Highlight: Payyoli Haritha Bhavanam Project Resource Person Workshop
#Latest News #Haritha Bhavanam #Payyoli Municipality #Environment
