#Latest News #Moodadi #National Highway #Bike Accident
കൊയിലാണ്ടി: (koyilandy.truevisionnews.com) ദേശീയപാതയിൽ മൂടാടിയിൽ ഇന്ന് പുലർച്ചെയുണ്ടായ ബൈക്ക് അപകടത്തിൽ വിദ്യാർഥിക്ക് പരിക്കേറ്റു. കാസർകോട്ടേക്ക് യാത്ര ചെയ്യുകയായിരുന്ന വിദ്യാർഥി സഞ്ചരിച്ച ബൈക്ക് നിയന്ത്രണം വിട്ട് ഡിവൈഡറിൽ ഇടിക്കുകയായിരുന്നു. പരിക്കേറ്റ വിദ്യാർഥിയെ ഉടൻ തന്നെ ആശുപത്രിയിൽ പ്രവേശിപ്പിച്ചു.
മൂടാടിയിലെ ഈ ഭാഗത്ത് തുടർച്ചയായി അപകടങ്ങൾ സംഭവിക്കുന്നതിൽ നാട്ടുകാർ ആശങ്കയിലാണ്. ഡിവൈഡറുകളിൽ റിഫ്ലക്ടറുകൾ ഇല്ലാത്തതും, റോഡിലെ അശാസ്ത്രീയമായ വളവുമാണ് അപകടങ്ങൾക്ക് പ്രധാന കാരണമെന്നാണ് നാട്ടുകാരുടെ ആരോപണം. അധികൃതർ അടിയന്തരമായി ഇടപെട്ട് സുരക്ഷാ ക്രമീകരണങ്ങൾ ഒരുക്കണമെന്ന ആവശ്യവും ശക്തമാകുന്നുണ്ട്.
Content Highlight: Student Injured In Bike Accident At Moodadi On National Highway, Locals Demand Safety Measures
