ശ്രീ ശങ്കരാചാര്യ സർവകലാശാല കൊയിലാണ്ടി കേന്ദ്രത്തിൽ നാലുവർഷ ബിരുദ പ്രവേശനത്തിന് അപേക്ഷ ക്ഷണിച്ചു

കൊയിലാണ്ടി: (koyilandy.truevisionnews.com) കാലടി ശ്രീ ശങ്കരാചാര്യ സംസ്കൃത സർവകലാശാലയുടെ കൊയിലാണ്ടി പ്രാദേശിക കേന്ദ്രത്തിൽ 2026-27 അധ്യയന വർഷത്തെ നാലുവർഷ ബിരുദ പ്രോഗ്രാമുകളിലേക്കുള്ള പ്രവേശന നടപടികൾ ആരംഭിച്ചു.

സംസ്കൃത സാഹിത്യം, സംസ്കൃത വേദാന്തം, സംസ്കൃത ജനറൽ, ഹിന്ദി, ഉറുദു എന്നീ വിഷയങ്ങളിലാണ് കോഴ്സുകൾ ലഭ്യമായിട്ടുള്ളത്. പ്ലസ് ടു, വി.എച്ച്.എസ്.ഇ അല്ലെങ്കിൽ തത്തുല്യ യോഗ്യതയുള്ള വിദ്യാർഥികൾക്ക് ഈ പ്രോഗ്രാമുകളിലേക്ക് ഓൺലൈനായി അപേക്ഷിക്കാവുന്നതാണ്.

പ്ലസ് ടു തലത്തിൽ സംസ്കൃതം ഒരു വിഷയമായി പഠിച്ചിട്ടില്ലാത്ത വിദ്യാർഥികൾക്കും സംസ്കൃതം ബിരുദ പ്രോഗ്രാമുകളിലേക്ക് അപേക്ഷിക്കാൻ അവസരമുണ്ട് എന്നത് ഈ പ്രവേശനത്തിന്റെ പ്രത്യേകതയാണ്.

താല്പര്യമുള്ള ഉദ്യോഗാർഥികൾക്ക് സർവകലാശാലയുടെ ഔദ്യോഗിക വെബ്സൈറ്റായ www.ssus.ac.in സന്ദർശിച്ച് പ്രോസ്പെക്ടസ് പരിശോധിക്കാനും ഓൺലൈനായി അപേക്ഷ സമർപ്പിക്കാനും സാധിക്കും.

Also read: സ്വരമാധുര്യത്തിന് പ്രണാമം; പൊയിൽക്കാവിൽ എസ്. ജാനകി അനുസ്മരണവും സംഗീതാർച്ചനയും സംഘടിപ്പിച്ചു

അപേക്ഷകൾ സ്വീകരിക്കുന്ന അവസാന തീയതി ജൂൺ 15 ആണ്. പ്രവേശനവുമായി ബന്ധപ്പെട്ട കൂടുതൽ വിവരങ്ങൾക്കും സംശയനിവാരണങ്ങൾക്കും 9747622690, 9497645922 എന്നീ ഫോൺ നമ്പറുകളിൽ ബന്ധപ്പെടാവുന്നതാണെന്ന് അധികൃതർ അറിയിച്ചു.

Content Highlight: You can apply for admission at the Koyilandy center of Sri Shankaracharya University.

#Latest News #Koyilandy #Koyilandy Regional Centre of Kalady Sree Shankaracharya Sanskrit University