#Latest News #Koyilandy #R.U. Jayashankar #commemoration
കൊയിലാണ്ടി: (koyilandy.truevisionnews.com) സിപിഐഎം നേതാവും ഡിവൈഎഫ്ഐ മുൻ ഭാരവാഹിയുമായിരുന്ന അഡ്വ. ആർ.യു. ജയശങ്കറിന്റെ 28-ാമത് ചരമവാർഷികം കൊയിലാണ്ടി കൊല്ലം ടൗണിൽ വിപുലമായ ചടങ്ങുകളോടെ ആചരിച്ചു.
സ്മരണാർത്ഥം സംഘടിപ്പിച്ച അനുസ്മരണ സമ്മേളനം സിപിഐഎം കോഴിക്കോട് ജില്ലാ കമ്മിറ്റി അംഗം അഡ്വ. എൽ.ജി. ലിജീഷ് ഔദ്യോഗികമായി ഉദ്ഘാടനം ചെയ്തു. എൻ.കെ. ഭാസ്കരൻ അധ്യക്ഷത വഹിച്ച ചടങ്ങിൽ ഏരിയാ സെക്രട്ടറി ടി.കെ. ചന്ദ്രൻ, നാസർ കൊളായി, പി.പി. രാജീവൻ, എം. പത്മനാഭൻ എന്നിവർ നേതാവിനെ അനുസ്മരിച്ച് സംസാരിച്ചു.
അനുസ്മരണ പരിപാടിയുടെ ഭാഗമായി പ്രദേശത്തെ ഉന്നത പ്രതിഭകളെ ആദരിക്കുന്ന ചടങ്ങും നടന്നു. അടുത്തിടെ നടന്ന എംബിബിഎസ് പരീക്ഷയിൽ ഉന്നത വിജയം കൈവരിച്ച ഡോ. മാളവിക കെ. മേനോനെ ചടങ്ങിൽ വച്ച് നേതാക്കൾ ഉപഹാരം നൽകി ആദരിച്ചു. സി.കെ. ഹമീദ് സ്വാഗതം ആശംസിച്ച പരിപാടിയിൽ രാധാകുമാർ നന്ദി രേഖപ്പെടുത്തി.
Content Highlight: content highlights:- Adv. R.U. Jayashankar Memorial
