പ്രവാസി ക്ഷേമനിധി പ്രായപരിധി ഉയർത്തണം; അരിക്കുളം പഞ്ചായത്ത് പ്രവാസി ലീഗ് കൺവൻഷൻ

അരിക്കുളം: (koyilandy.truevisionnews.com) പ്രവാസി ക്ഷേമനിധിയിൽ അംഗങ്ങളാകുന്നതിനുള്ള നിലവിലെ പ്രായപരിധി ഉയർത്തണമെന്ന് അരിക്കുളം പഞ്ചായത്ത് പ്രവാസി ലീഗ് കൺവൻഷൻ അധികൃതരോട് ആവശ്യപ്പെട്ടു.

കൺവൻഷന്റെ ഔദ്യോഗിക ഉദ്ഘാടനം മണ്ഡലം പ്രസിഡന്റ് മമ്മു ചേരമ്പറ്റ നിർവ്വഹിച്ചു. കെ.സി ഇബ്രാഹിം അധ്യക്ഷത വഹിച്ച ചടങ്ങിൽ വെച്ച് പ്രവാസി ലീഗിന്റെ മെമ്പർഷിപ്പ് ക്യാമ്പയിൻ ഉദ്ഘാടനം പഞ്ചായത്ത് മുസ്‌ലിം ലീഗ് പ്രസിഡന്റ് ഇ.കെ അഹമ്മദ് മൗലവി നിർവ്വഹിക്കുകയുണ്ടായി.

തുടർന്ന് നടന്ന യോഗത്തിൽ മുസ്തഫ മുളിയങ്ങൽ മുഖ്യപ്രഭാഷണം നടത്തി. പ്രവാസികൾ നേരിടുന്ന വിവിധ പ്രശ്നങ്ങളെക്കുറിച്ചും ക്ഷേമപ്രവർത്തനങ്ങളെക്കുറിച്ചും യോഗം ചർച്ച ചെയ്തു.

ചടങ്ങിൽ കെ.എം മുഹമ്മദ്, പി.കെ.എം നവാസ്, പി.പി അമ്മത്, എൻ.എം കുഞ്ഞമ്മത്, കെ.പി അമ്മത്, എൻ.എം മുജീബ്, എൻ.എം സാജിദ്, എൻ.എം മൊയ്തീൻ, കെ.കെ അബ്ദുറഹിമാൻ, പി.കെ.എം അലി, എം. സാജിദ്, ടി.പി സാദത്ത്, ഇ.എം മുസ്തഫ, സി.എം റഷീദ്, ടി.കെ ഇഖ്ബാൽ തുടങ്ങിയ പ്രമുഖ നേതാക്കളും ഭാരവാഹികളും പങ്കെടുത്തു സംസാരിച്ചു.

Content Highlight: Pravasi League convention demands raising the age limit for the Pravasi Welfare Fund

#Latest News #Arikkulam #Pravasi League Convention #Expatriate Welfare Fund Age Limit