---
title: "കൊയിലാണ്ടിയിൽ ഡി.വൈ.എഫ്.ഐ യൂത്ത് ബ്രിഗേഡ് വളന്റിയർമാർക്കായി ബ്ലോക്ക്‌തല പരിശീലന ക്യാമ്പ് സംഘടിപ്പിച്ചു"
english_title: "DYFI Youth Brigade organizes training camp for volunteers"
publisher: "koyilandynews.in"
canonical_url: "https://koyilandy.truevisionnews.com/news/363326/dyfi-youth-brigade-organizes-training-camp-for-volunteers"
published_at: "2026-06-02T11:42:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6a1e748dc98f5_koyi5.jpg"
keywords: ["Latest News", "Koyilandy", "DYFI Youth Brigade Volunteers", "Training camp"]
---

# കൊയിലാണ്ടിയിൽ ഡി.വൈ.എഫ്.ഐ യൂത്ത് ബ്രിഗേഡ് വളന്റിയർമാർക്കായി ബ്ലോക്ക്‌തല പരിശീലന ക്യാമ്പ് സംഘടിപ്പിച്ചു

> **Lead Summary:** **കൊയിലാണ്ടി: [ **ഡി.വൈ.എഫ്.ഐ കൊയിലാണ്ടി ബ്ലോക്ക് കമ്മിറ്റിയുടെ നേതൃത്വത്തിൽ യൂത്ത് ബ്രിഗേഡ് വളന്റിയർമാർക്കായുള്ള ബ്ലോക്ക്‌തല പരിശീലന ക്യാമ്പ് കൊല്ലം കൊടക്കാട്ട് മുറിയിൽ വെച്ച് സമുചിതമായി സംഘടിപ്പിച്ചു.

## Article Content

**കൊയിലാണ്ടി: [ **ഡി.വൈ.എഫ്.ഐ കൊയിലാണ്ടി ബ്ലോക്ക് കമ്മിറ്റിയുടെ നേതൃത്വത്തിൽ യൂത്ത് ബ്രിഗേഡ് വളന്റിയർമാർക്കായുള്ള ബ്ലോക്ക്‌തല പരിശീലന ക്യാമ്പ് കൊല്ലം കൊടക്കാട്ട് മുറിയിൽ വെച്ച് സമുചിതമായി സംഘടിപ്പിച്ചു.

ദുരന്തനിവാരണ പ്രവർത്തനങ്ങളിലും സാമൂഹിക സേവനരംഗങ്ങളിലും വളന്റിയർമാരുടെ പങ്കാളിത്തം കൂടുതൽ കാര്യക്ഷമമാക്കുക എന്ന ലക്ഷ്യത്തോടെയാണ് ക്യാമ്പ് ഒരുക്കിയത്. ഡി.വൈ.എഫ്.ഐ ജില്ലാ സെക്രട്ടറിയറ്റ് അംഗം ബി.പി. ബബീഷ് ക്യാമ്പിന്റെ ഔദ്യോഗിക ഉദ്ഘാടനം നിർവഹിച്ചു.

വിവിധ വിഷയങ്ങളിൽ വളന്റിയർമാർക്ക് ആവശ്യമായ പ്രായോഗിക അറിവുകൾ നൽകുന്നതിനായി മുൻ ഫയർ ഫോഴ്‌സ് ഓഫീസർ സി.പി. ആനന്ദൻ, നിതിൻലാൽ, അഖിൽ ഷാജ്, നിതിൻ എന്നിവർ വ്യത്യസ്ത സെഷനുകളിലായി ക്ലാസുകൾ കൈകാര്യം ചെയ്തു.

ക്യാമ്പിന്റെ സുഗമമായ നടത്തിപ്പിന് ഡി.വൈ.എഫ്.ഐ ബ്ലോക്ക് സെക്രട്ടറി സി. ബിജോയ്, പ്രസിഡന്റ് ടി.കെ. പ്രദീപ്, ട്രഷറർ ആർ.ബി. കൃഷ്ണ എന്നിവർ മുന്നിൽ നിന്ന് നേതൃത്വം നൽകി. വരും ദിവസങ്ങളിൽ പ്രാദേശിക തലങ്ങളിൽ കൂടുതൽ സജീവമായി ഇടപെടാനുള്ള തീരുമാനങ്ങളോടെയാണ് ക്യാമ്പ് സമാപിച്ചത്.

### Related Links & Sources
- [Original Story Source](https://koyilandy.truevisionnews.com/news/363326/dyfi-youth-brigade-organizes-training-camp-for-volunteers)